The Beauty of Autumn Food

Maraming nagkakagusto sa season ng Autumn. Una na riyan ang hatid ng klimang at ang banayad na dapyo ng hangin. Hindi mainit at hindi rin masyadong malamig. Ang autumn din ang nagbibigay ng kaiga-igayang atraksiyon dahil sa pagbabago ng kulay ng mga dahon. Ang panahon ding ito ang tinatawag na harvest season at marami kang makikitang masasarap na pagkain na inihahanda sa ating hapag kainan. Ito ang season ng pasasalamat sa maraming ani, ito rin ang season for healthy appetite. Prutas at gulay na sadyang masarap iluto dahil sariwa. Kakaiba ang hatid ng autumn season kaya naman laging inaabangan ng karamihan.
At sa panahong ito ng pandemya dapat pataasin pa natin ang ating immune system sa pamamagitan ng pagkain ng mga masustansyang.
Narito ang ilang lugar sa Japan kung saan may kanya-kanyang silang specialty para sa natatanging season ng autumn;

Hokkaidou : Chan chan Yaki (Grilled salmon w/ vegetable recipe)

Maraming nagsasabing ang salitang chanchanyaki ay galing sa salitang “chacchatto” na ibig sabihin ay madaling maluto. Ang iba namang version ay “chan” (father) dahil kadalasan ay ang ama ng tahanan ang nagluluto nito. Ang chanchanyaki ay staple food sa bawat tahanan at may kanya-kanya silang paraan para ma-enhance ang lasa ng chanchanyaki.

Ito ay isang hot pot dish na popular sa Hokkaido region. Ginisang gulay at steamed na isda at ang soup base ay miso. Pinagsasaluhan ng pamilya o magkakaibigan, dahil madalas itong iniluluto sa bahay. Ang kailangan lamang ay malaking kaserola at mainit na kanin at pwede nang pagsaluhan.

Kanto (Ibaraki prefecture): Mito Natto

Mataas sa protina ang mito natto na madalas nasa hapag kainan ng mga Japanese sa agahan. Puno ng bitamina at mineral tulad ng manganese, iron at fiber. Ito ay fermented soy beans. May ibang naglalagay ng dried fish flakes para makadagdag sa lasa ng natto at inihahain kasama ng mainit na kanin para mabalanse ang lasa nito. Maraming cooking styles ang ginagawa sa natto, nariyan ang “hikiwari natto”, “kotsubu natto” at iba pa. Ito ay makikita sa rehiyon kung saan sagana ang soy beans, Mito region. Gumagawa ng sariling homemade natto ang bawat magsasaka at ito ang naging specialty ng kanilang rehiyon.

Tohoku (Fukushima Prefecture): Miso Dengaku

Ito ay isang klase ng pagkain mula sa probinsiya kung saan hinihiwa ang tokwa o beancurd sa tamang kapal nito ay itinutuhog sa stick at iniihaw. Pinapahiran ng miso sauce bago iihaw para makadagdag ng lasa. Sa probinsiya ng Fukushima, ang isa sa popular na lutuin sa Aizuwakamatsu ay dengaku na niluto kasama ang luya, taro, konjac, rice cakes, at iba pang sangkap na itinutuhog sa stick at pinapahiran ng miso na hindi pangkaraniwan sa lugar na yun at saka iniihaw sa uling na kinagigiliwan.

Kansai (Hyogo prefecture): Kobe Beef

Isa sa tatlong pinakamalaking producer ng Japanese beef. Hindi lang sa Japan kundi sa buong mundo. Ang Kobe beef ay popular dahil sa lasa, lambot at kalidad ng karne. Ang iba’t ibang grado ng Kobe beef ay base sa dami ng taba na nakapaloob sa karne. Ang pagkakahabi ng taba sa laman na sadyang kinagigiliwan ng mga consumers. Iba’t ibang klase ng lutuin mula sa steak hanggang sa sukiyaki. May kamahalan nga lang ang Kobe beef pero sulit naman.

Chugoku / Shikoku: Hiroshima Oyster

Ang Hiroshima Prefecture ay nangunguna sa produksiyon ng talaba o oyster sa buong Japan. Medyo may kamahalan dahil sa malaki ito kesa sa normal na laki ng ibang talaba. Kadalasang kinakain ng hilaw pero sa paglipas ng panahon ay marami nang naglabasang lutuin kasama ang oysters. Pwedeng ihaw, deep fried o pakuluan sa hot pot. Ang Hiroshima oyster ay mayaman sa lasa dahil na rin sa lugar kung saan ito inaani, tuwing January hanggang February ang season pero mas masarap kainin mula March hanggang April. Masarap din sa Hiroshima-style okonomiyaki. Ang namagaki (Raw Oysters) para ma-appreciate ang sariwang oyster ay mas madalas itong kinakain direkta mula sa kanilang shells. Ang yakigaki (Grilled Oysters) ay para naman sa inihaw na oyster, nilalagyan ng soy sauce na may lemon para pampalasa.

Kyushu (Fukuoka Prefecture): Mentaiko

Ang “Mentaiko” (Pollock Roe) ay isang klasikong delicacy sa Japan. Ang lutuing ito ay napapalibutan ng itlog ng isda na nababad sa seasoning sauce na may kasamang chilli pepper at masarap kainin na may kasamang kanin habang umiinom ng sake. Compatible ito sa iba’t ibang klase ng pagkain tulad ng omelette o bilang pasta sauce. Iba’t ibang variety ang ginawa upang ma-enhance ang lasa ng mentaiko at para maging mas compatible sa iba’t ibang lutuin.

Ang mentaiko ng Fukusaya ay ginawa sa pamamgitan ng pagpili ng sariwang cod roe na ima-marinade kasama ang fish sauce at spiced seasonnig sa loob ng 3 araw at 3 gabi upang ilabas ang katamtamang anghang at lasa ng cod roe.

Okinawa: Yagi Sashi (Raw Goat Meat)

Karamihan sa pagkain at lutuin sa Okinawa ay unique tulad ng Yagi sashi o sariwang karne ng kambing. Parang ordinaryong seafood sashimi, ang Yagi sashi (karne ng kambing) ay sa Okinawa Prefecture lamang matatapuan. Mapulang karne na kinakain na may halong ginadgad na luya (pantanggal ng lansa). Pwede ring gawing sushi na hihiwaing maninipis ang karne at ilalagay sa ibabaw ng mainit na sushi rice at may wasabi sa ibabaw nito.