Coffin Bread
Ang Coffin Bread ay isang klase ng bread bowl soup kung saan ang tinapay ay hugis ataul na deep fried at saka nilagyan ng western -inspired chowder.
Sangkap
Coffin Bread
- 1 buong puting loaf ng tinapay na hindi hiwa
- butter, tinunaw
- Chowder
- 1 maliit na (pecho) chicken breast, hiwain ng manipis
- 12-15 pirasong hipon, alisn ang balat at ugat
- 2 pirasong katamtamang laki ng pusit, linisin at hiwain
- 1 tasang straw mushrooms, hiwain sa gitna
- ½ tasang corn kernels
- 1/3 tasang hiniwang pakuwadradong carrots
- 1/3 tasang peas
- 1 tangkay ng celery, hiwain
- 2 pirasong streaky bacon, tadtarin
- 50 g butter
- ½ tasang cream
- 500 ml sabaw ng seafood (stock)
- 3 kutsarang harina
- 1 maliit na sibuyas, tadtarin
- 1 kutsaritang nutmeg
- paminta
- asin
- mantika
Paraan:
Coffin Bread
- Hiwain ang isang buong loaf ng 5 cm na kapal bawat hiwa.
- Punasan o i-brush ng butter ang magkabilang side ng tinapay at i-bake sa pinainit na 180C na oven hanggang magkulay golden brown at medyo malutong.
- Alisin ang tinapay mula sa oven at itabi.
- Kapag medyo lumamig na ang tinapay, maglagay ng opening o hiwa ng pakuwadrado sa gitna pero huwag bubutasan. itabi ito.
Chowder
- Sa sauce pan, ilagay ang bacon at konting mantika, iluto hanggang maging golden brown at alisin sa pan at itabi ang bacon.
- Idagdag ang manok at lutuin sa loob ng 3 minuto, hanguin at itabi.
- Igisa ang sibuyas at celery.
- Dahan-dahan idagdag ang harina at haluin hanggang mamuo ito.
- Dahan-dahang ibuhos ang seafood stock at haluin hanggang maalis ang mga buo-buong harina at kuminis ito.
- Ilagay ang manok, carrots, corn at nutmeg. Pakuluin at hayaang kumulo sa loob ng 15 minuto.
- Idagdag ang peas, hipon, pusit at cream, pakuluin at hayaang kumulo sa karagdagang 4-5 minuto o hanggang sa maluto.
- Lasahan ng asin at paminta.
- Ilagay ang katamtamang dami ng chowder sa gitna ng hiniwang tinapay at ihain.