Water Adventure
Ang summer sa Japan ay hindi para sa lahat. May nag-e-enjoy at mayroon din naman hindi. Dahil ang summer months ay madalas mas mainit at humid sa halos lahat ng parte ng bansa. Hindi man kaaya-aya ang init ng summer ay marami pa rin outdoor activities na kinalulugdan ang mga tao tulad ng festivals, water parks, fireworks at ang paglunoy sa swimming pool. Maraming local pools ang pinupuntahan at dinarayo ng mga tao. Popular ang mga waterparks kung saan matatagpuan ang iba’t ibang pools at slides.
Tokyo Summerland (Tokyo). Isa sa exciting water park na matatagpuan sa Tama area sa Tokyo. Ang park ay may malalaking pools, waterslides, pools para sa mga bata, beaches, warm water spas, rides, waterfalls at ferris wheel. Ang main outdoor pool ay malaki at ipinagmamalaki nila ang 650-meter long lazy river. Ang outdoor waterslide ay mayroong 40-meter free fall. Ang indoor pool nila na tropical ang theme ay nanatiling nasa 30 degrees celsius para ma-enjoy ng mga bisita all year round.
Address: 600, Kamiyotsugi, Akiruno-shi, Tokyo
Website: https://www.summerland.co.jp/english/
Operating Hours: Please check in their website
Admission fee: 3,500yen (Adult), 2,500yen (Children), 1,800yen (Senior/Infants)
Nagashima Resort (Mie-Ken). Ito ay isang major vacation destination sa loob ng Nagoya. Ang limang leisure facilities na kanilang ipinagmamalaki ay ang Nagashima Spa Land amusement park, water park, hot spring complex, isang outlet shopping mall at flower park na Nabana no Sato. Ang park ay puno ng mahigit sa 40 rides na pwedeng i-enjoy ng mga bisita lalo na mga bata dahil may rides na naaayon sa kanilang edad. Bukod sa rides ay ipinagmamalaki rin nila ang kanilang water park na Joyful Waterpark kung saan matatagpuan ang mga water slides at swimming pools na bukas lamang tuwing summer time.
Access: Mula sa Meitetsu Bus Center next sa Nagoya Station, mag-bus papuntang Nagashima Onsen at maaaring bumaba sa Nabana no Sato o Nagashima Onsen.
Mula Kuwana o Nagashima Station, ang Kuwana Station at Nagashima Spa Land ay konektado sa 1-3 buses. Ang ibang bus station ay nagko-connect sa Nabana no Sato. Tuwing winter illuminations mula mid-October hanggang early May, ang bus papuntang Nabana no Sato ay umaalis mula Nagashima Station.
Website: http://www.nagashima-onsen.co.jp/index.html/
Operating Hours: 9:30～17:00 (Please check in their website)
Admission fee: 1,600yen (Adult), 1,000yen (Children), 500yen (Senior) *They have discounted price after 15:00
Shibamasa World (Fukui-ken). Ang theme park na nakaharap sa Japan Sea na pinapalibutan ng mayabong na puno at magandang tanawin. Mga popular na attractions dito ay ang swimming pool na maituturing na isa sa may pinakamahaba at pinakamataas na water slides sa buong mundo, golf course, go-carts at roller coaster.
Address: 45-1 Hamaji, Mikuni-cho, Sakai City, Fukui
Access: Approximately 23 minutos sa Keifuku bus mula JR Awara-onsen Station bus stop hanggang Chikusanshikenjo bus stop, 30 min. walk.
Website: http://www.shibamasa.com/pool/
Operating Hours: 9:00～21:00 (Please check in their website)
Admission fee: 3,700yen (Adult), 2,600yen (Children/Senior) *They have discounted price after 15:00
Water Garden Hasunuma – Water Park in Chiba. Ito ay matatagpuan sa Chiba Prefecture na ang ipinagmamalaki ay ang kanilang Splash Shaker water slide. Ang malaking water slide nito ay may apat na iba’t ibang zone kung saan mae-experience mo ang thrill at excitement sa bawat zone. Hanggang tatlo katao lang sa giant inflatable rubber boat. Lahat ng nakaranas ng apat na zones ng water slide na ito ay nag-enjoy dahil sa kakaiba at unique na experience. Bukod sa waterslide ay marami pang ibang atraksyon ang Water Garden Hasunuma.
Address: 368-1 Hasunuma Ho, Sanmu City, Chiba Prefecture 289-1803
Website: http://watergarden.hasunuma.co.jp/pool/index.html
Tel. No.: +81-475-86-3171
Admission fee: 1,700yen (Adult), 1,000yen (High School Student), 400yen (Elementary and Junior High School Students), 200yen (Infant)
