Pinaso
Ang Pinaso, ay isang dessert na popular sa Bulakan. Ito ay nag-originate sa Mexico noong panahon ng Manila-Acapulco Galleon Trade. Ang gamit sa pagpe-prepara nito ay itlog, gatas at biscuits o crackers at sa ibabaw ay asukal ang nakabudbod at kina-caramelized ito sa pamamagitan ng mainit na siyanse. Ito ay nahahawig sa lasa ng leche flan, crème brûlée at pudding.
Sangkap:
- 400 ml evaporated milk
- ¾ cup granulated sugar
- 4 packets (12 pcs) saltine crackers
- 5 itlog
- 1 tbsp lemon or dayap, i-grate
- 1 tsp vanilla
Paraan:
- Sa kaserola, pagsamahin ang gatas, itlog, crackers, ½ tasang asukal, balat ng lemon at vanilla. Iluto sa mahinang apoy at haluing mabuti hanggang ang sauce ay lumapot.
- Ilagay ang ¼ tasa ng asukal sa ibabaw.
- Kung may culinary torch ay gamitin iyon para i-caramelize ang asukal, kung walang culinary torch ay mainit na siyanse ang gamitin. Ilagay sa ibabaw ang siyanse at saka idikit ito sa asukal para ma-caramelize ito.
Para sa iba pang recipe, bisitahin ang www.angsarap.net