Lechon con Tokwa

Isang classic dish mula sa Boy Ching Woo Chinese Restaurant kung saan pinaghalo ang lechon kawali at fried tofu na nilagyan ng matamis at malinamnam na sauce.

Sangkap:

• 500 g lechon kawali
• 1 malaking tofu block, mga 400 g
• 2 pcs shallots, hiwaing maliliit
• 6 pirasong bawang, pitpitin at hiwaing maliit
• 1 inch luya, kudkurin
• 2 tbsp patis
• 2 tbsp oyster sauce
• 2 tbsp soy sauce
• 2 tbsp Chinese cooking wine
• 2 tsp brown sugar
• 1 cup pork stock
• 2 tsp cornstarch
• sesame oil
• pamintang puti
• mantika
• chopped spring onions pang-garnish

Paraan:

1. Hiwain ang tofu sa 3/4 pulgada ang kapal.
2. Maglagay ng tamang dami ng mantika sa kawali para sa deep fry at i-deep fry ang tofu hanggang mag golden brown ang kulay. Hanguin mula sa kawali, i-drain at hiwain pa cubes.
3. Hanguin lahat at magtira lamang ng 2 kutsarang mantika sa kawali.
4. Igisa ang bawang, shallots at luya.
5. Sa mixing bowl, pagsamahin ang patis, oyster sauce, soy sauce, Chinese cooking wine, brown sugar, pork stock at cornstarch. Ilagay ang mixture sa kawali at pakuluin hanggang lumapot. Kung sumobra ang lapot, dagdagan lang ng tubig.
6. Ilagay ang lechon kawali at fried tofu, haluin para humalo sa sauce ang piraso ng lechon kawali at tofu. Lutuin sa loob ng 2 minuto sa malakas na apoy. Lasahan ng puting paminta.
7. Lagyan (drizzle) ng konting sesame oil sa ibaba, at patayin ang apoy. Ilagay sa serving platter.
8. Lagyan ng chopped spring onion sa ibabaw at saka ihain.

Notes:
Hindi kasama sa cooking time ang pagluluto ng lechon kawali.