Kinamatisang Salmon
Sangkap:
- 3 pirasong malalaking salmon steaks
- 2 400 g lata ng Italian style chopped tomatoes
- 4 pirasong Roma tomatoes, tadtarin
- 1 malaking puting sibuyas, tadtarin
- 6 pirasong bawang, pitpitin at tadtarin
- 1 kutsarang red wine vinegar
- 1 kutsaritang asukal
- 1 kutsaritang dried oregano
- basil leaves, pira-pirasuhin
- paminta
- asin
- olive oil
Paraan:
- Lagyan ng asin at paminta ang bawat side ng salmon steak.
- Sa pan, maglagay ng mantika at kapag mainit na ito ay ilagay ang salmon at iprito ito hanggang magkulay golden brown at maluto. Hanguin ang salmon at itabi.
- Gamit ang parehong pan, magdagdag ng mantika at igisa ang bawang at sibuyas.
- Kapag medyo malambot na ang sibuyas sa kawali ay ilagay ang kamatis, asukal at basil, lutuin hanggang ang kamatis ay lumambot.
- Ibuhos ang Italian style chopped tomatoes at oregano at pakuluin. Hayaang kumulo sa loob ng limang minuto. Takpan.
- Ihalo ang red wine vinegar at lasahan ng asin at paminta.
- Ilagay ang salmon sa isang oven-proof dish at ibuhos ang chunky tomato sauce sa ibabaw at i-bake ito sa init na 230C sa loob ng 10 minuto. Pagkatapos ng 10 minuto ay alisin ito mula sa oven at ihain habang mainit.