15th Quill Awards, pinarangalan ang #Vote4ASelfieWorthyPH at #Kapamilya Reunion ng TFC

#Vote4ASelfieWorthyPH kabilang sa over-all top winners para sa Communication Management;
Kapamilya Reunion panalo ng kauna-unahang Quill para sa Advertising, Marketing and Brand Communication

Nag-uwi kamakailan ang The Filipino Channel (TFC) ng back-to-back awards mula sa International Association of Business Communicators (IABC) 15th Quill Awards sa Marriott Hotel sa Manila para sa dalawa nitong kampaniya para sa overseas Filipinos (OFs) – ang #Vote4ASelfieWorthyPH at Kapamilya Reunion.

Habang pinaiigting ang registration para sa overseas voting para sa mid-term elections sa 2019, dagdag naman sa pagpapalaganap ng kampanya ng Department of Foreign Affairs Overseas Voting Secretariat (DFA OVS) at Commission on Elections Office for Overseas Voting (COMELEC OFOV) ang pagkapanalo ng kampanya ng TFC na naglalayong kombinsihin ang mga OFs upang bumoto.

Panalo ang #Vote4ASelfieWorthyPH ng Excellence Award sa ilalim ng Communication Management for Corporate Social Responsibility category at kahanay pa ang over-all top 5 awardees para sa epektibong paghikayat nito sa mga OFs na magrehistro at bumoto, sa pamamagitan ng pagankla sa lakas ng social media.

Ayon kay ABS-CBN Global Head of Corporate Affairs & PR Nerissa Fernandez: “The PR industry’s recognition of ABS-CBN TFC’s #Vote4ASelfieWorthyPH campaign affirms the value of our joint efforts with our government and community partners in reaching out to Filipinos worldwide and connecting them to the homeland through the most powerful means of involvement: the exercise of their right of suffrage. Through the power of media, this allowed them to have a voice in the political conversation and in building the future of our homeland”.

Inilunsad noong 2015, hinikayat ng #Vote4ASelfieWorthyPH sa tulong ng mga Kapamilya personalities ang mga Pilipino sa ibang bansa para isagawa ang kanilang right of suffrage: Atom Araullo, Julius Babao, Jing Castaneda, at Cathy Yang; entertainment reporters na sina Gretchen Fulido, Tina Marasigan, Barbie Muhlach at Ginger Conejero; celebrities na sina Pokwang, Dimples Romana, at Amy Perez; young celebrities na sina Gretchen Ho, Ai dela Cruz, Nathan Lopez, at Joj at Jai Agpangan; singers na sina Morissette at Jamie Rivera; ABS-CBN Regional Network News Bureau reporters sa pangunguna ng head nila na si Stanley Palisada; at radio personalities na sina Amy Perez, DJs Jai Ho, DJ ChaCha China Paps, at anchor Ahwel Paz.

Ani ni Yang na isang award-winning business news anchor at financial journalist, hindi siya nagdalawang-isip upang tulungan ang kampanya ng TFC. Ayon kay Yang: “Ako ay naging isang overseas Filipino Worker (OFW) din. Labing limang taon iyan mula Tokyo hanggang Hong Kong. Alam ko rin kung paanong maging OF worker at overseas voter. Dahil noong nakaraang 2016 elections, bumoto ako sa HK at nag-cover kaya dalawa ang roles na ginampanan ko. At doon ko nakita ang saya at hirap ng isang migrant worker para magkaroon ng boses. Masasabi kong buong-buo ang aking eksperyensa at naranasan”. Si Yang ang nag-cover ng pagbubukas ng election precincts sa HK noong 2016.

Sa pagtatapos ng 2015 registration, nakalikom ang COMELEC OFOV at DFA OVS ng 1,376, 067 registered voters o 46.39% increase mula sa 815,307 noong 2012 at 430,695 2016 voter turnout naman o halos 300% increase versus noong 2013 elections na nakakuha ng 118,823 voters.

Ayon kay DFA OVS Vice Chairman Ed Castro mahalaga ang role ng media sa naging tagumpay ng OV noong 2016. “Media is an indispensable partner of public service. And it so happens that the DFA OVS serves the interest of the OFs. We politically empower them. Therefore, TFC having the widest reach in network for overseas is a logical partner of the campaign. Thank you very much to TFC’s partnership and others for all the help, we were able to set a record-breaking turnout for the 2016 national elections”.

Dagdag naman ni COMELEC OFOV Chairman Atty. Arthur Lim: “The media, specifically TFC is broadcast all over the world which covers the 85 foreign posts of the Philippines. The same helped a lot in propagating the OV act. Considering that prior to the agreement with ABS-CBN or TFC, there were only 815,307 total number of registered overseas, the volume of applicant increased after August 26,2015 because of the information campaign conducted by the office and its partners”.

Samantala, nanalo naman ang Kapamilya Reunion ng kauna-unahan nitong Quill award of Merit para sa Communication Management para sa Marketing, Advertising at Brand Communication.

Ang kampanya na una nang inilunsad noong 2015, ay isang virtual reunion na nakaangkla rin sa teknolohiya upang paglapitin ang mga OFs sa kanilang mga pamilya sa Pilipinas sa isa sa pinaka-memorable na seasons. Nire-create ng TFC ang elements ng Pasko tulad ng mga Christmas decors, Noche Buena feast, pati na ang exchange gifts na nagpaalala sa mga overseas participants sa isa sa mga pinaka-namimiss nilang bahagi ng kanilang buhay sa Pilipinas.

Ayon kay Ailene Averion, ABS-CBN Global Managing Director for Asia Pacific, ang Kapamilya Reunion ay nagbahagi ng isang importanteng solusyon para makapagkabuklud-buklod ang mga Pilipino at kanilang pamilya: “Kapamilya Reunion is one very memorable occasion where we momentarily managed to bridge the physical gap between overseas and their families here in the Philippines. Even for a day, we at TFC, together with our content celebrities and Kapamilyas all over the world, were able to celebrate as one family during the important season of Christmas”.

Sa kabuuan naman, nag-uwi ang ABS-CBN Corporation ng award bilang 1st runner-up para sa Company of the Year.

Ang Philippine Quill Award of Excellence ay tinanggap ng Manila team ni Fernandez na kinabibilangan nina: Global Corporate Affairs and PR Associate Marianne Ferrer – de Vera at PR Specialist Jocelyn Jimenez; DFA OVS Vice Chairman Edgardo Castro; Regional Finance Officer Lawrence Reyes; Marketing Communications Creative Director Jay Dustin Santiago; at isa sa mga brand ambassador na si Cathy Yang.

Ang Philippine Quill Award of Merit para sa Kapamilya Reunion naman ay tinanggap naman para kay Averion nina Reyes; Santiago; at Asia Pacific Regional Marketing Head Eric Santos.