Balik-kulong si GMA
Nagpalabas ng warrant of arrest ang Sandiganbayan laban kay dating Pangulo at ngayo’y Pampanga Rep. Gloria Macapagal-Arroyo kaugnay sa kasong pandarambong na kinakaharap nito.
Sa warrant of arrest na inilabas ni Associate Justice Efren Cruz, division chairman at pinadadakip nito si Ginang Arroyo kaugnay ng kinakaharap nitong kaso hinggil sa anomalyang paggamit sa P366 milyong pondo ng intelligence fund ng PCSO.
Kasama rin sa inisyuhan ng warrant of arrest sina PCSO Board of Directors chairman Sergio O. Valencia; dating PCSO general manager Rosario C. Uriarte; PCSO directors Manuel L. Morato, Jose R. Taruc V, Raymundo T. Roquero at Ma. Fatima A. S. Valdes; Benigno Aguas, PCSO asst. manager for finance; dating Commission on Audit (COA) chairman Reynaldo A. Villar at Nilda B. Plaras, COA-Intelligence Fund Unit head.-(Abante)