Paolo Ballesteros, wagi sa Tokyo International Film Fest

Panalo si EB Dabarkads Paolo Ballesteros bilang Best Actor sa 29th Tokyo International Film Festival para sa pelikulang “Die Beautiful” na idinerehe ni Jun Lana. Mala-Julia Roberts ang hitsura ni Paolo nang kanyang tanggapin ang naturang award. Positibo ang reaksyon ng mga tagahanga sa Tokyo nang unang rumampa si Paolo bilang si Angelina Jolie kung saan kilalang-kilala siya sa buong mundo bilang expert sa makeup transformation. Masayang tinanggap ni Paolo ang award. Nagbunyi naman ang “Eat Bulaga” Dabarkads ni Paolo sa panalo niya sa TIFF. Bukod sa panalo niya, ginawaran din ng Audience Choice Award ang “Die Beautiful.” Nagwagi rin sa nasabing festival sina Pamela Reyes at Mikhail Red ng Best Asian Future Film Award.