MILF peace agreement, tuloy

Kumpiyansa ang Malacañang na mabubuo ang peace agreement sa pagitan ng pamahalaan at Moro Islamic Liberation Front (MILF).

Sa kasalukuyan ay maganda ang takbo ng pag-uusap ng magkabilang-panig at kumpiyansa ang pamahalaan na mabubuo ang kasunduan sa ilalim ng kasalukuyang administrasyon.

“With respect to MILF, I can say that we are cautiously optimistic that we will come to an agreement within this administration,” ayon kay Malacanang Spokesman Edwin Lacierda.

Bagama’t wala namang malinaw kung kailan ito magaganap, ito’y tiyak umanong magaganap bago matapos ang termino ni Pangulong Benigno Aquino III sa 2016.

Sa kasalukuyan, tuluy-tuloy ang ginagawang pag-uusap ng magkabilang-panig.- (Abante-Tonite)