For Julie Anne San Jose, there’s always room for more

Patuloy pa ring mapapanood sa GMA Network ang Asia’s Pop Diva na si Julie Anne San Jose sa pagre-renew niya ng kontrata sa Kapuso network. Si Julie ay isa sa homegrown talents ng naturang network na produkto ng reality talent competition na ‘Popstar Kids’ noong 2007.  Mula sa competition na yun ay yumabong ang career ni Julie Ann. “I’m very happy and blessed. Nagpapasalamat po ako kay Lord and sa GMA for giving me another opportunity to share what I have, I’m just very grateful, excited, and looking forward to future projects here in my home network,” lahad ni Julie.

Parte si Julie sa original mainstays ng popular weekly comedy musical-variety show na “Sunday Pinasaya” kung saan ipinapakita niya ang humorous side niya sa isang segment ng show.  Bukod dito ay kasama rin siya sa The Clash kung saan isa siya sa proud na Clash Master.

“Nakakatuwa dahil lahat ng pinagdadaaanan ng Clashers na-ia-apply nila sa pagpe-perform, that says a lot already and we’re grateful they’re able to share their hearts sa mga tao. For me kasi, the important thing is pag singer ka, kailangan may soul ka rin. That’s how people perceive you as an artist and doon nila makikita kung gaano ka ka-authentic pagdating sa craft mo.”

Ipinagmalaki rin siya ni Atty. Gozon na present sa kanyang contract signing,”Well of course nagpapasalamat tayo, talagang homegrown naman si Julie Anne at habang siya’y nade-develop, lalong gumagaling kaya’t tayo ay natutuwa.”