Ces Oreña-Drilon at John Lloyd Cruz kinilalang “People of the Year” ng PeopleAsia

(Photos courtesy of PeopleAsia)

Si Ces Oreña-Drilon (ABS-CBN news anchor at broadcast journalist) at John Lloyd Cruz (Kapamilya TV at film superstar) ay kabilang sa mga pinarangalan sa People of the Year 2016 awards night ng PeopleAsia magazine, na ginanap kamakailan sa Sofitel Philippine Plaza sa Manila, Philippines.

Ang People of the Year Awards, ayon kay PeopleAsia publisher, president at CEO na si Babe Romualdez, ay iginagawad sa mga “exceptional men and women whose achievements not only encourage but empower.” ginaganap ito taon-taon at ngayon ay nasa ika-12 taon na.

Si Ms. Ces Drilon, ay kasalukuyan bahagi ng news program na “Bandila”, ay kinilala para sa kaniyang tatlong dekada ng pagsisilbi bilang isang broadcast journalist. Binigyan pansin ang kaniyang matapang na paglalahad ng istorya tungkol sa mga kritikal na isyu at pagpunta sa mga delikadong bahagi ng bansa. Inilarawan din siya ng PeopleAsia magazine bilang “new voice of truth and reason in the internet’s sea of misinformation.”

Nagwagi rin siya ng Volvo’s Ironmark award, isang espesiyal na pagkilala sa isang indibiduwal na nagpakita ng katatagan sa gitna ng mga pagsubok at patuloy na tumutulong sa paglago ng kaniyang industriya.

Samantala, tingurian naman si Mr. John Llyod Cruz ng PeopleAsia na “Philippine cinema’s favorite leading man,” at kinilala sa kaniyang mahusay na pagganap sa mga pelikula niya kamakailan, kabilang na ang internationally-acclaimed films na “Hele sa Hiwagang Hapis” at “Ang Babaeng Humayo” na parehong nasa ilalim ng direksyon ni Lav Diaz.

Kamakailan ay nagwagi rin si John Lloyd Cruz na Best Actor sa 2016 Gawad Urian Awards, at ang kauna-unahang Southeast Asian na nakatanggap ng Star Asia Award sa 2016 New York Asian Film Festival para sa kaniyang pagganap sa pelikulang “Honor Thy Father.”

Kasama sina Drilon at Cruz sa mga itinampok sa December 2016 – January 2017 issue ng PeopleAsia magazine kasama ang iba pang mga pinarangalan na sina Dr. Andrew Tan, Celia Diaz Laurel, Christopher de Leon, Tony Tuviera, Regine Velasquez-Alcasid, Dr. Preciosa Soliven, Edgar “Injap” Sia II, Dr. Henry Lim Alice Eduardo, Dr. Z Teo, Kylie Versoza, at Hidilyn Diaz.