Crispy Pork, Mango and Eggplant Binagoongan
Sangkap:
Crispy Pork
- 1 kg liempo, malaking piraso, huwag hiwain
- 1 buong bawang, pitpitin
- 1 kutsarang pamintang buo
- 4 pirasong dahon ng laurel
- ¼ tasang toyo
- 1 latang lemonade soda (7-Up o Sprite)
- asin
- tubig
- mantika, para sa deep fry
Ginisang Bagoong
- 4 pirasong bawang
- 1 maliit na sibuyas
- 1 kutsarang asukal na pula
- 2 kutsarang cane vinegar
- 6 kutsarang hilaw na bagoong hipon
- ¼ kutsaritang cayenne pepper
- paminta
- pork lard
Toppings
- 2 talong, ihawin at hiwaing maliliit
- 2 manibalang na Philippine mango
- 2 malaking kamatis, hiwaing maliit na pakwadrado
- 1 maliit na sibuyas na puti, hiwaing maliit na pakwadrado
- 2 tangkay ng stalks spring onion, tadtarin
Paraan:
- Hilamusan ng asin ang buong liempo at ibalot ng cling wrap at ilagay sa ref sa loob ng isang buong araw.
- Hugasan ang liempo sa tubig at siguruhing nahugasang mabuti at naalis ang asin.
- Ilagay ang liempo sa pressure cooker kasama ang toyo, bawang paminta, dahon ng laurel at Sprite o 7-UP. Buhusan ng tamang dami ng tubig at siguraduhing nakalubog ang liempo.
- Iluto sa pressure cooker sa loob ng 20-30 minuto, depende sa kapal ng liempo, ang timing ay kung kelan mag-uumpisang pumito ang pressure cooker.
- Kapag malambot na ang liempo ay hanguin ito mula sa pressure cooker at tuyuin ng paper towel ang sobrang tubig.
- Kapag tuyo na ang liempo ay ilagay sa lalagyang may takip at ilagay ulit sa ref sa loob ng 12 oras o hanggang ito ay lumamig.
- Ihanda ang kawali at lagyan ng mantika at painitin. Kapag mainit na ay dahan-dahang ilagay ang liempo. Mag-ingat sa talsik ng mantika.
- I-deep fry ang liempo hanggang maging golden brown at lumutong. Kapag luto na ay hanguin mula sa mantika at hayaang lumamig.
- Kapag malamig na ang liempo ay hiwaing pakwadrado.
- Ihanda ang ginisang bagoong, sa kawali, ilagay ang pork lard at igisa ang bawang at sibuyas. Igisa ang bagoong hanggang maging golden brown ito.
- Idagdag ang hilaw na bagoong, suka, cayenne at asukal. Haluin sa loob ng 3-5 minuto o hanggang maging dark red ang kulay.
- Lasahan ng paminta.
- Ilagay ang liempo at haluin hanggang mabalot ng bagoong ang baboy. Ilagay sa serving dish at ilagay ang talong, kamatis, mangga, spring onion at sibuyas.
Thank you: Raymund Macaalay (recipe & photo) http://www.angsarap.net/