Ogie Alcasid di muna eere

Naiintindihan daw ni Ogie Alcasid ang desisyon ng TV 5 management sa hindi muna pag-ere ng kauna-unahan sana niyang teleserye sa Kapatid network, ang The Gift at positibo pa rin ang naging pananaw niya tungkol dito.  Sabi ni Ogie, “Alam mo may mga bagay na wala tayong control e, di ba? So, kung hindi pa, okay lang. Huwag nating pilitin.

“Siyempre sila ang boss, sila ang nakakaalam kung ano ang nararapat at bagay sa gusto nilang image ng TV5, well and good. Ako ay sundalo lang, susunod lang ako.” Sa tingin ni Ogie ay hindi pa siguro napapanahon para umere ang The Gift.