Gerald Anderson at Pia Wurtzbach, patok ang chemistry sa “My Perfect You”

Matapos gumawa ng ingay sa Pilipinas, sa iba’t ibang bansa naman nagpakilig ang pelikula ng ABS-CBN Film Productions, Inc. (Star Cinema) na “My Perfect You”, na unang pagtatambalan nina Gerald Anderson at Pia Wurtzbach, sa ilalim ng direksyon ni Cathy Garcia-Molina.

Pag-amin ng Philippine Queen of Rom-Com na si Molina, unang beses niyang nakatrabaho sina Anderson at Wurtzbach sa simula ng proyekto ay hindi siya bilib sa kanila. Ngunit matapos kilalanin at alamin ang kakayanan ng dalawang aktor, masaya si Molina na mailabas ang “magic” sa kanilang dalawa.

“You cannot create chemistry. It is something that just comes out,” paliwanag ng blockbuster director. “Sobrang happy ako sa dalawang ‘to. I believe they share the same passion as I do. They exceeded my expectations,” dagdag pa ni Molina.

Una nilang pinapurihan si Anderson na ayon sa kanila, ay muling pinatunayan ang versatility niya bilang aktor. Humanga rin sila kay Wurtzbach na para sa kanila ay isang rebelasyon sa pelikula. “Wurtzbach, on the other hand, handled her dramatic scenes really well, although some of the comedic bits didn’t pan out as good as it could’ve been. Her chemistry with Anderson was questionable at the start, but their tandem, boosted by their three other friends, eventually found its footing” pag-amin pa ni Molina.