Lechon Macau
Pangalan pa lang ay alam mo na na ang lutuing ito ay may impluwensiya ng Intsik. Dalawang klase ang pagluluto nito. Sa Intsik ay tinatawag itong Macau Style Roast Pork at sa Pilipinas naman ay Lechon Kawali. Bakit nila tinawag na Filipino Chinese fusion ay dahil sa paraan ng pagluluto nito. Ito ay hindi piniprito kundi iniihaw na may sangkap ng Chinese spices tulad ng star anise at ang five spice powder at hahaluan ng sangkap na popular din sa mga Pinoy, ang bawang at sibuyas.
Sangkap:
- 2.5 kg buong pork belly or hiwain sa malaking hiwa
- 1 tbsp Shaoxing wine (mabibili sa Asian grocery)
- 1 kutsarang asukal
- 4 pirasong star anise
- 1 kutsaritang five-spice powder
- 1 kutsarang paminta
- 1 ulo ng bawang, hiwain sa gitna (pahalang)
- 1 malaking sibuyas, hiwaing makaapat (quartered)
- asin (rock salt)
Paraan:
- Sa isang kaserola, ilagay ang pork belly, maglagay ng tamang dami ng tubig. Maglagay ng 1-2 kutsarang asin (tantiyahin dahil rock salt ang gamit), asukal, star anise, bawang at sibuyas. Hayaang kumulo at ituloy ang pagpapakulo sa mahinang apoy sa loob ng 30-40 minuto o hanggang medyo lumambot ang baboy.
- Hanguin ang baboy mula sa kaserola at patuluin ang ekstrang tubig. Kapag malamig na ang baboy ay ipahid ang Shaoxing wine. Ilagay sa ref na walang takip sa loob ng 24 oras.
- Alisin ang baboy mula sa ref at tusukin ang balat ng metal skewers, fondue forks, “Pig Sticker” o Chap Zai/Jaccard. Hilamusan ang balat ng baboy ng asin, at ang laman ng five-spice powder. Hayaan sa room temperature hanggang mabawasan ang lamig na mula sa ref. Dampian ng paper towel para siguradong walang tubig na maiiwan mula sa balat.
- Ilagay sa roasting pan na may kasamang konting tubig sa pan at i-roast sa pre-heated na 200 C oven. I-posisyon ang baboy na nasa ibabaw ang balat. Iluto sa loob ng 45 minuto.
- Itaas ang init sa 220 C at i-roast sa karagdagang 15-20 minuto hangang ang balat ay mag-umpisang lumutong.
Thank you: Raymund Macaalay (recipe & photo) http://www.angsarap.net/